شعر الغفري
طوني سليم خاطر

واشنطن العاصمة
الولايات المتحدة الأمريكية

كالأزرق


مرجعيون


يمكن نطرت كتير
بنت المرج
وحروب مرقت
وجنون هد العمر
يمكن الكحل البعيونها
داب وسال
وتهجروا أحباب
وأسود الثلج
وتحسرت البنت
وتنبهت غزلان
وتلوع المرج
يمكن هيك
بتتفرغ بيوت
وبيرحلو أهل
وبينفى محبوب
يمكن الدمع بيجمع
والثلج بيدوب
وطيور بتطل
وبتترحّل طيور
وجيوش بتستكبر
وبتندحر جيوش
وبتعبق عيونها
وبتفور
مرج العيون
يمكن لو يرجع
ماضي الأيام
وتمسك بأيد ستها
بشحارة المرج
يمكن لو بقيت زغيرة
تركض مع ولاد
تقطف زنبق التل
وببونج الدرب
لما كان يمكن مات زغار
والكبار ضلن
بعقلاتهم كبار
والأرض رغرغت
فوار فوق فوار
وما عبر حباب حدود
ولا احترق بلد بالنار
والبنت يمكن ما نطرت
ومية الفوار ما شحت
والمرج
والمرج لعيونها يمكن كان ضللو مرج


شعر الغفري
طوني سليم خاطر
واشنطن العاصمة الولايات المتحدة الأمريكية